Այդ ի՞նչ չափով եք դուք մարդուն չափում,
Ի՞նչ չափանիշով՝ գնահատում:

Ո՞վ է ձեզ իրավունք տվել, որ ձեր իսկ ստեղծած չափը որոշած՝
Ուրիշի կյանքը ձեզանով անեք, ձեր չափանիշով չափեք, կշռեք,
Դատեք, քարկոծեք, փոշիացնեք ու ... կյանքեր խորտակեք:

Ի՞նչ չափաբաժին պետք է ընդունենք,
Որ ձեր որոշած սանդղակին հասնենք,
Ու հանկարծ չանցնենք,
Հակառակ դեպքում, հաստատ ՙՙկդատվենք՚՚,
Կքննադատվենք ու կքարկոծվենք... 

Այդ ի՞նչ չափով եք դուք մարդուն չափում,
Ի՞նչ չափանիշով՝ գնահատում:

Ո՞վ է ձեզ ստիպել մարդու կյանք մտնել
Ու հիմնահատակ կործանել, փշրել,
Վերականգնման հույս էլ չթողնել:

Ախր ի՞նչն է ձեզ այդպիսին դարձրել...